Patay ang usa ka lalaking manugputos ug mangga dihang nahulog kini sa punoan diin siya namutos pasado alas 3 sa hapon niadtong Mayo 7,2024 sa So. Ulay Brgy. Prosperidad San Carlos City Negros Occidental.
Sa eksklusebong pakighinabi sa Brigada News Team sa live-in partner nga si Angelica Orbiso naila ang namatay nga si Ryan Embalsado ,26 anyos ug residente sa So. Abacanhan Brgy. Rizal dakbayan San Carlos.
Base sa panaysayon sa kauban ni Embalsado nga si Ryan Sarita,27 anyos ug tigputos usab ug mangga , bag o lang matod pa silang nahoman ug paniudto niadtong higayona ug dungan silang nisaka sa punuan sa mangga aron mamutos sa mga bunga ug wala damha kalit nabali an ug sanga diin nagpatung si Embalsado hinungdan nga nahulog kini sa yuta.
Dugang pa daling mikanaog si Sarita aron matabangan ang iyang kauban nga nahulog ug didto ilang gisapnay ug gidayungan paingon sa Brgy. aron madala kini sa balay tambalanan.
Nakaangkon ug samad sa ulo ug bali sa walang bahin sa iyang paa si Embalsado ug nadali pagdala sa San Carlos City Hospital .
Girefer kini sa Corazon Locsin Hospital apan pagkaugma pasado alas 7 sa buntag gideklarang patay sa atttending Physician.
Nasuta sa Brigada News Team atol sa pagbisita ngadto sa pinuy-anan ni Embalsado , dako matod pa kinig pangandoy alang sa iyang partner gani gipaeskwela niini ang iyang live-in partner ug naningkamot aron mapahoman niya pagpaskwela si Orbiso.