KORONADAL CITY- REHISTRADO na sa Philippine Identification System o PhilSys ang 93.41% ng populasyon sa Soccsksargen Region.
Hindi kasali dito ang mga may edad 5 years old pababa. Ito ay batay sa pinakahuling datos ng Philippine Statistics Authority o PSA 12 noong December 31, 2023. Ayon sa PSA, rehistrado na ang 3,625,687 ng 3,881,544 na mga pumuluyo.
Pinakamarami sa mga narehistro ay nasa Cotabato province na umabot sa 1.1 million. Ito ay sinusundan ng Saranggani at Gensan na may 1.045 million; South Cotabato 755,183; at Sultan Kudarat na may 650,643. Samantala, umabot na sa 1,433,022 ang nai-deliver na mga PhilID Cards o National IDs ng PSA habang 2,561,566 naman ang electronic PhilID.
