NAGPATALA sa Bula Police Station ang tulo ka mga tawo human nga nawad-an sa ilang mga cellphone unya ang usa nawad-an og kwarta Mayo 22 2023.
Una ang usa ka nagpangalang Jodelene 42-anyos usa ka magtutudlo nawad-an sa iyang usa ka cellphone sa usa ka mall sa syudad, iyang gipangita apan wala makita.
Ikaduha ang nagpangalang Vijay, 24-anyos usa ka driver nga taga Alunan, Brgy. Bula nawad-an sa iyang cellphone sa Mini Carnaval ug wala na niya nakita.
Ikatulo si Edwin Cabardo, 48-anyos usa ka driver nga taga Carcon, Brgy. Lagao nagpatala sa pulis nga nawad-an sa iyang pouch kolor blue may sulod nga kulentas, ariyos ug kwarta nga mokabat sa P15,000.
Ang tulo namasin pa nga makita ang ilang personal nga gamit nga nawala ug nagpatala sa Bula PNP. I Ver Diazon