LEGAZPI CITY – Kinumpirmar kan Philippine Fiber Industry Development Authority (PHILFIDA) Bicol na nasa 62.26% na an lebel pag-abot sa produksyon nin abaca sa enot na kwarter kan taon sa rehiyon.
Segun kay Regional Director Mary Anne Molina, tulong probinsya an nahilingan ki paglangkaw sa produksyon nin abaca puon kan Enero sundo Marso kan presenteng taon, kun sain kaibahan an Albay, Camarines Sur asin Catanduanes, mantang an Sorsogon asin Camarines Norte nagpupuon puon pa sana sa produksyon.
Paliwanag kan ahensya kun nata nadidipisilan na maglangkaw an produksyon nin abaca kan taon 2023, nin huli sa pababa kan presyo kaini, alagad ngunyan na taon naglalangkaw na asin nagbabaralikan na an mga paraoma.