LEGAZPI CITY – Aminado an Anti-Smoke Belching Unit (ASBU) kan Office of the City Environment and Natural Resources (OCENR) Legazpi na may mga lunadan paman giraray na minabagsak sa sinasagibong random roadside inspection sa syudad.
Segun kay Benju Calleja, pamayo kan nasambit na opisina, basado sa saindang monitoring puon kan bulan nin Enero sundo Pebrero ngunyan na taon, nasa 31 an saindang naisyuhan nin ticket hale sa 46 na mga lunadan na katumbas nin 67%.
Alagad, mas hababa an mga buminagsak ngunyan, kumpara kan nakalihis na taon sa parehong peryodo na haros nasa 89-90% an failure sa inspection.
Mientrastanto, obheto kan sinasagibong inspeksyon na mamantenir an air quality sa nasyon.