Naglab-ot na sa 32 ang ‘show cause order’ nga ginpapanaug sang Commission on Elections (COMELEC) sa probinsya sang Capiz nga nagapapili sa Barangay and SK Elections (BSKE) 2023.
Ini ang ginkumpirmar ni Provincial Election Supervisor Atty. Wil Arceño sang ma-interview sang Brigada News FM.
Suno kay Arceno, nadugangan sang 9 ka show cause order ang gin-isyu sa mga kandidato nga nagapapili sa pagka-punong Barangay kag kagawad sa banwa sang Tapaz kun sa diin ang isa sa ila ang may ara 2 ka show cause order tungod sa premature campaigning.
Nagapahanumdom naman liwat ang opisyal, pila nalang ka adlaw antes ang natalana nga campaign period sa Oktubre 19 tubtob 28 likawan ang ano man nga sahi sang pagkampanya tungod makabig ini nga isa ka election offense. | KMD Gicalde