Tinukoy ng Department of Health (DOH) ang 33 “priority areas” dahil sa tumataas na COVID-19 infections at mataas hanggang sa kritikal na healthcare utilization rates (HCUR).
Ayon kay Dr. Alethea De Guzman, OIC-Director ng DOH Epidemiology Burea, na batay sa kanilang datos, ang may high-risk classification para sa COVID-19 case trend at average daily attack rate (ADAR) sa nakaraang dalawang linggo ay ang Naga City, Iloilo City, Capiz, Guimaras, Bacolod City, Negros Oriental, Tacloban City, Zamboanga Del Norte, Davao City, Davao Del Norte, South Cotabato, Lucena City, Butuan City, at Surigao del Sur.
Ang iba naman sa listahan ay nasa ilalim ng moderate risk classification para sa COVID-19 case trend at ADAR.
Samantala, ang HCUR ay nasa critical level sa Iloilo City at South Cotabato; at high risk sa Cagayan, Nueva Vizcaya, Albay, Capiz, Guimaras, Bacolod City, Ormoc City, Tacloban City, Zamboanga del Norte, Cagayan de Oro City, Davao de Oro, Lucena City, Puerto Princesa City, at Butuan City.
Sa usapin naman ng ICU utilization, nasa critical risk sa Cagayan, Bataan, Sorsogon, Iloilo City, Antique, Negros Oriental, Zamboanga del Norte, Davao City, Davao del Norte, General Santos City, Quezon, Occidental Mindoro, Cotabato City, at Makati City, habang high risk sa La Union, Nueva Vizcaya, Naga City, Tacloban City, Cagayan de Oro City, Bukidnon, South Cotabato, Lucena City, Surigao del Sur, Surigao del Norte, at Las Piñas City. // MHEL PACIA-TRINIDAD