3,340 nakatanggap na 1st dose ng COVID-19 vaccine sa Naga; Mga pasilidad ng simbahan handang ipagamit na vaccination area

NAGA CITY- Umabot na sa 3,340 individual ang nakatanggap ng 1st dose ng bakuna kontra sa COVID-19 o nasa 1.54% ng target bakunahan. 306 naman ang bakunado na ng 2nd dose base sa tala ng Health Emergency Response Task Force o HERTF.

Ang bilang na ito ay mga mula sa A1 hanggang A4 priority.  Mula sa Department of Health (DOH) na AztraZenaca at Sinovac ang ginamit.

Malayo pa ito sa 75% target population na mabakunahan na 156, 000 ng 231,000 population.

Dumarami man ang nais magpabakuna, problema pa rin ang pandaigdigang supply kahit na may P63M na pondo Naga para rito.

Samantala, sinabi ni Archdiocese of Caceres Archbishop Rolando J. Tria Tirona OCD DD, na bukas ang mga pasilidad ng simbahan sakaling kailanganin na ang karagdagan vaccination area. Halimbawa nito ang mga covered courts.

Mababatid na nag order ang 50K doses ng COVAXIN ng Bharat Biotech at nagpa reserve pa ng 100K doses matapos na sabihin ng AstraZeneca na hindi na aabutin ang lungsod sa mababaan ng supply ngayong taon.

Leave a Reply

Your email address will not be published. Required fields are marked *