NABAS, AKLAN—Gindakop do 35 tanan ka mga mangingisda matapos nga maaktuhan nga illegal nga nagapangisda sa kaeawuran nga sakop it Brgy. Nagustan, Nabas, Aklan kung siin nag-eapas do mga raya sa Section 95 (Use of Active Gear) it Republic Act 10654 ukon do The Fisheries Code of the Philippines.
Kaeakip sa mga nadakpan nga crew hay sakay it bangkang “FB JOHN MIKAY”, “FB LADY PEARL”, “FB ST GEORGE”ag “FB JUN & CATHY 2.
Nasayuran nga nadakpan do nasambit nga mga mangingisda sa asod-asod nga seaborne patrol operation it Aklan Maritime Police katuwang do 2nd Aklan PMFC kung siin pinaagi sa regular filing hay ginpasakaan eon do mga raya it kaso sa Aklan Provincial Prosecutor’s Office. // SHERRY ANNE REUNIR-VIDAL