Naglab-ot sa 3,627 ka indibidwal nagikan sa nagkatuhay nga kabanwahanan sa probinsya sang Capiz ang naka benepisyo sa Risk Resiliency Program-Climate Change Adaptation and Mitigation-Disaster Risk Reduction (RRP-CCAM-DRR) program sang Department of Social Welfare and Development (DSWD) kag Provincial Government.
Tinutuyo sang programa nga mapabakod ang ikasarang sang tagsa ka indibidwal kag pag-ganyat sa komunidad nga mag-isa agud epektibo nga mapakigbatuan ang climate change.
Nagdugay sang 10 ka adlaw ang programa, 4 ka adlaw dire ang gin-usar para sa Cash for Work kun sa diin ang benepisyaryo nagpatigayon sang Tree Planting Activity kag pagpanglimpyo samtang ang nabilin nga 6 ka adlaw para sa Community Based Disaster Risk Reduction and Management Training.
Tuman naman ang pasalamat sang mga benepisyaryo matapos nagbaton sang cash payment bilang kabaylo sang ila nga ginpangabudlayan. | KMD Gicalde