Laraw sa Department of Human Settlements and Urban Development nga makatukod og 380,000 housing units sa Davao Region isip kabahin sa national housing program sa administrasyon ni Pangulong Ferdinand R. Marcos Jr.
Sumala ni Presidential Assistant for Eastern Mindanao Leo Tereso Magno nga ang Pambansang Pabahay Para sa Pilipino Program (4PH) usa sa national program nga makatabang ngadto sa mga Filipino nga walay panimalay.
Gumikan niini, nangita si Sec. Magno nga mamahimong kapartner nga Local Government Units (LGU) nga muapil sa 4PH.
Mitambong ang opisyal sa signing of the Memorandum of Understanding ug Memorandum of Agreement tali Department of Human Settlements and Urban Development (DHSUD) ug five Local Government Units sa Davao Region kagahapong adlawa, Huwebes, Oktubre 12, 2023.
Gitambongan ang signing of MOUs sa syudad sa Mati, Digos, Davao ug Samal ug lakip na ang munisipalidad sa Nabunturan.
Naglaum na lamang si Magno nga daghang LGUs ang muapil aron nga magmalampuson ang maong proyekto.