SAMARON ang upat ka indibidwal human malambigit sa insidente sa bangga ang ilahang gisakyan nga motorsiklo ug topdown sa Purok Nangka, Barangay Conel, Gensan pasado alas singko kagahapon sa hapon. Sa impormasyon sa TEU-Gensan ang mga biktima nailhan nga silang Jomar Aguilar, Marjorie Aguilar, 21-anyos, CJ Fernando,19-anyos ug Michael Fernando, 12-anyos.
Sumala sa kapulisan gilatas sa duha ka sakyanan ang opposite lane sa purok Nangka, ang motorsiklo gikan sa Conel padulong sa direksyon sa Katangawan samtang ang topdown gikan sa Katangawan paingon sa Conel.
Kalit matud pa mitipas sa linya sa motorsiklo ang topdown rason sa nahitabong bangga. Sa kasamtangan nagpabilin pa sa ospital ang mga batan-ong biktima ug gi-impound na sa TEU ang mga sakyanan nga nalambigit niini. I Enamie Mogpon