ZAMBALES- Nakapagtala kahapon ng 40 bagong positibong kaso ng covid-19 ang lalawigan ng Zambales.
Dahil dito umakyat na sa 2,304 ang bilang ng kabuuang confirmed cases ng probinsiya.
Kaugnay nito, labindalawa ang nadagdag sa recoveries kung saan pumalo na sa 1,962 ang nakakarekober habang nananatili sa 53 ang death.
Paalala pa rin ng Inter-Agency Task Force sa mamamayan na sundin ang health protocols para hindi na dumami pa ang bilang ng tinatamaan ng virus.
Matatandaan na kahapon rin ay nag-umpisa na ang Phase 1 reopening ng turismo sa lalawigan.//Jen Bayot-BNFM OLONGAPO