May kabieogan nga 468 ka mga wanted persons ro nadakop it mga kapulisan sa bieog nga Western Visayas ku nagtaliwan nga buean it Pebrero, base sa datos it Police Regional Office 6 (PRO-6).
Base kay Police Brigadier General Flynn Dongbo, PRO-6 director, 83 sa mga naaresto hay ginaturing nga most wanted persons (MWPs).
Ro 83 ka mga arrested MWP hay naghalin sa mga masunod nga mga lugar:
* Negros Occidental – 23
* Lungsod ng Bacolod – 20
* Lalawigan ng Iloilo – 14
* Capiz – 9
* Lungsod ng Iloilo – 5
* Antique – 5
* Aklan – 4
* Guimaras – 2
Samtang ro iban pa nga mga pugante hay naghalin man sa Negros Occidental (219); Iloilo (60); Bacolod City (30); Capiz (22); Aklan (20); CIDG-RFU6 (12); Iloilo City (10); Antique (8); ag Guimaras (4).
Base pa sa pahayag ni Dongbo, ro nasambitan nga insiyatiba hay bangud sa dedikasyon it mga unit commander ag andang mga tinawo sa pagsugpo it kriminalidad sa bieog nga Western Visayas./JIL B. LACSON