MUKABAT sa 48 ang naisyuhan og citation ticket human nakasupak sa unang adlaw sa pagpatuman sa bag-ong speed limit Ordinance sa Davao City.
Kini atol sa gilusad nga operasyon sa Davao City Police Office, Traffic Enforcement Unit (TEU), sa pagpanguna ni PMAJ Dexter S. Domingo, sa unang adlaw sa pagpatuman sa maong Ordinansa sa Quimpo Boulevard ug sa Coastal Road dinhi sa syudad sa Davao.
Wala usab natalang untoward incident sa maong operasyon, nagpasabot lamang kini nga ang pagpakatag sa impormasyon nga gihimo sa DCPO-TEU, CTTMO, LTO, ug uban pang mga unit ug sa tabang sa tri-media ang epektibo aron masayod ang publiko.
Nasayran nga ang penalty sa makasupak sa maong ordinansa anaa sa P1,000 alang sa first offence; P2,000 sa second offence; ug P3,000 sa third ug sa masunod pang pagsupak.