Patay ang isang lalaki matapos umano itong barilin sa isang niyugan Sa Barangay Calimpak, Guinayangan, Quezon nitong Lunes, Enero 29.
Ayon sa police report, nangangawit umano noon ang biktimang si alyas “Rudy”, 49-anyos, nang dumating ang hindi pa nakikilalang suspek saka binaril sa ulo ang biktima.
Agad na binawian ng buhay si alyas Rudy habang ang suspek naman ay tumakas patungo sa mabundok na bahagi ng lugar.
Sa ngayon, patuloy ang isinasagawang malalimang imbestigasyon ng awtoridad upang matukoy ang suspek at ang motibo nito sa pamamaril.