DUNGAN sa selebrasyon sa Women’s Month, gipasidunggan sa Police Regional Office (PRO) 12 ang lima ka babayeng pulis.
Kini dungan sumala pa sa ilang exemplary performance ug ilang commitment sa ilang trabaho. Gihatagan og Medalya ng Kasanayan silang Police Lt.Col. Maria Joyce Birrey, commander sa City Mobile Force Battalion (CMFC) sa GenSan City Police Office (GSCPO), Police Lt.Col Britz Sales, station commander sa Makilala Municipal Police Station.
Lakip silang Police Major Ronalyn Domider,station commander Bagumbayan Municipal Police Station, Police Major Rissa Hernaez, Chief sa Regional Public Information Office (RPIO), ug Major Maria Odeza Rendaje, labaw sa Women and Children Protection Desk (WCPD).
Matud ni Hernaez, dako og ‘role’ ang babaye sa pagpatuman pinaagi sa communication initiatives, aron maangkon ang lig-on nga police-community relations. Si Rendaje ang gipasidunggan human niini naresolba ang mga kaso nga gikalambigitan sa mga kababainhan ug gisiugro ang pagkuha og hustisya.
Tungod niini, makita sumala pa ang indispensable nga role sa mga babaye sa law enforcement ug sa society sa kinatibuk-an. I Richel Gubalani