Dakop sa akto ang lima ka indibidwal nga nagapatigayon sang illegal gambing nga ginatawag “Cara y Cruz” sa Sitio Mawang, Barangay Candelaria, Tapaz, Capiz sang tinalikdan Mayo 8.
Narekober sa posisyon sang wala na ginhingadlan nga mga persona ang tatlo ka coins nga gingamit bilang “head and tail” para sa hampang nga “cara y cruz”; P1,374 nga cash sa nagkalain-lain nga denominasyon (bet money); isa ka plastic container nga naga-unod sang chalk kag isa ka lamesa.
Sa karon, nagapabilin ang mga nagkaladakpan sa kustodiya sang Tapaz Municipal Police Station kag napasakaan na sang nagakaigo nga panumbungon. | Judy Ann Juare