Malipayon ang 2,000 ka mga benepisyaryo gikan sa lima ka mga barangay sa Roxas City matapos nakabaton sang tig-P1,000 nga Assistance to Individual in Crisis Situation Program payout gikan sa Department of Social welfare and Development (DSWD) ka-partner ang opisina ni Cong. Howard Guinto.
Sa interview sang Brigada News FM Roxas City kay Congressman Guinto, iya ginpahayag nga simultaneous ang ila ginahiwat nga financial assistance payout, kun sa diin sa banwa sang Maayon may yara sang 2,000 beneficiaries kag masobra naman 1,000 beneficiaries sa banwa sang Pontevedra.
Ang mga barangay sa Roxas City nga nakabaton sang ayuda amo ang Brgy. Mongpong, Libas, Cagay, Dayao kag Barra.
Suno kay Guinto, sa kabug-usan may yara sang 7,000 beneficiaries ang Roxas City bangud padayon pa ang ila pagpanagtag sang ayuda nga magadugay sang tatlo ka adlaw kag 15,000 beneficiaries tanan sa 1st district sang Capiz ang makabaton.
Gintuad sang natungdan nga isa ini ka Tupad-Tulong Program nga nagatuyo nga mabuligan ang mga Person with Dissabilities(PWD), Senior Citizens, Market vendors, mangunguma kag fisherfloks bangud tuman ang mga ini nga naapektuhan sang pagmahal sang balaklon kag kalamidad.
Nagpanugyan man si Guinto sa mga pumuluyo nga nagakinahanglan sang bulig nga magpalapit lamang sa iya opisina bangud indi ini magduha-duha nga maghatag sang bulig apisar yara siya sa Manila bangud suno diri palangga niya ang taga-Capiz. | Judy Ann Juare