Mitahan ang mga nabilin nga mga yunit sa mga dismantled New Peoples Army (NPA) nga kaniadto nag-operate sa Area of Operations sa 1001st Infantry Brigade dala ang ilang mga high-powered firearms ug mga kagamitan sa giyera.
Upat sa mga misurender mga kanhi myembro sa Dismantled Guerrilla Front 33 (DGF 33) nga nag-operate sa mga utlanan sa Davao de Oro, Davao del Norte, ug Agusan del Sur, samtang ang usa ka misurender kanhi myembro sa Dismantled Pulang Bagani Command 5 (DPBC 5) nga nag-operate sa mga utlanan sa Davao de Oro ug Davao Oriental.
Misurender ang mga nahigsutan sa 60th Infantry Battalion ilalom ni LtC Jovily Carmel Cabading PA sa Camp Morgia, Dona Andrea, Asuncion, Davao del Norte niadtong Abril 24, 2024.
Bitbit sa lima ka mga surenderees ang high-powered firearms nga gilangkuban sa usa ka AR-15 nga pusil, usa ka Bushmaste, duha ka Baby Armalite, ug usa ka M14 nga pusil.
Samtang, sa Monkayo, Davao de Oro, upat ang boluntaryong misurender sa 25th Infantry Battalion ilalom ni LTC EMMANUEL C LAROA PA diin ang duha niini kanhi myembro sa Dismantled Regional Headquarters sa Southern Mindanao Regional Committee (DRHQ, SMRC), samtang ang laing duha sakop kaniadto sa Dismantled Guerrilla Front 2 (DGF 2).
Bitbit usab sa mga nahisgutan ang 4 ka Improvised Explosive Devices nga naila usab nga Home Made Landmines, ug uban pang kagamitan sa giyera.
Padayon ang pagpaningkamot sa 1001st Brigade uban sa mga operationally controlled units sa 60IB ug 25IB, nga bantayan ang mga nabiling mga NPA bisan pa sa pagdeklara sa ilang AOR nga Insurgency-Free.
Mahinumdoman nga ang Davao del Norte gideklara nga Insurgency-Free niadtong Hunyo 13, 2022, ug ang Davao de Oro niadtong Hunyo 22 sa susamang tuig.