5,685 new COVID-19 infections, 178 fatalities naitala sa PH

Sumipa pa ang kabuoang kaso ng coronavirus disease 2019 sa bansa sa 1,073,555, matapos maitala ng Department of Health (DOH) ang 5,685 na mga bagong infections.

Ito ay sa kabila na limang laboratoryo sa bansa ang bigong makasumite ng kanilang datos, on time.

Ayon sa DOH, ang mababang bilang ay dahil sa kaunting samples na natanggap ng mga laboratoryo noong Sabado at Linggo.

Dahil dito, bumaba rin ang bilang ng mga active cases sa bansa sa 62,713, kung saan 94.4% ang mild, 1.8% ang asymptomatic, 1.6% ang severe, at 1.2% ang nasa kritikal na kondisyon.

Samantala, 8,961 pang mga pasyente ang nakarekober mula sa respiratory disease, dahilan para tumaas ang kabuoang bilang ng recoveries sa 993,042, habang 178 naman ang mga bagong fatalities na dahilan para umakyat ang death toll sa 17,800. // MHEL PACIA

Leave a Reply

Your email address will not be published. Required fields are marked *