Aksidenting nabangga it sangka puting pick-up ru 6 nga concrete barriers sa Brgy. Bulwang, Numancia, Aklan maeapit sa tulay kainanag agahon.
Base sa fb live it BRIGADA News FM Kalibo, may 5 mga sakay ru pick-up kaibahan eon ru driver ag sangka eapsag.
Samad ru prente it kariton it puting pick dahil sa mabaskog nga impact it pagka bangga sa barrier.
Halin sa Western side it Aklan ru pick-up ag paadto konta it Kalibo kat ma aksidente rason nga nagka resulta it traffic sa daean.
Eagi man nga gin respondehan it MDRRMO-Numancia ru aksidente ag gin sakay sa rescue vehicle rum ga sakay kara.
Sa makaron, padayon pa ru imbistigasyon it mga otoridad sa natabong aksidente.//MARIVIC Y. ILIN