6% sa mga covid positive sa Cebu City sa milabay nga usa semana, mga tawong nabakunahan na

Gitug-an sa Emergency Operations Center (EOC) sa dakbayan sa Sugbo nga ang 6 porsyento sa mga bag-ong nagpositibo sa COVID-19 human sa gihimong contact tracing, nasuta nila nga nahuman na kini mabakunahi batok sa maong virus.

Matud ni Cebu City Councilor Joel Garganera, deputy chief implementer sa EOC, dili kahatag og 100 porsyento nga kasiguruhan ang bakuna aron nga di na mataptan sa naasoy’ng virus ang tawong nabakunahan na.

Tungod niini, mas maayo kung ipadayon sa publiko ang pagsunod sa gipatumang health protocol aron malikayan ang subling pagpositibo sa COVID-19.

Sa nasayran, base sa natala sa EOC, anaa sa 15 ka mga nabakunahan na ang nagpositibo pag-usab sa maong virus sukad niadtung Mayo 25, 2021.        

Sa pagkakarun, nakatala ang EOC og anaa sa 40,000 ka mga indibidwal sa syudad nga nabakunahan na batok COVID-19.

Leave a Reply

Your email address will not be published. Required fields are marked *