BICOL—Padagos ngunyan ang espwerso kan maniba-ibang grupo mapa pribado man o mapa publiko na matabangan ang mga estudyante sa islang probinsya nin Catanduanes para sa nagpapadagos na modular asin online learning.
Sa katunayan, nandistribwer suogma ang Sangguniang Kabataan nin Barangay Caragnag sa banwaan nin San Andres nin libreng mga load cards sa gabos na mga estudyante sa kolehiyo sa saindang barangay. An siring na inisyatibo ugwang obheto na padagos na masuportahan ang mga estudyante sa saindang pakikipag sabayan sa distance learning.
Nasa 60 mga estudyante sa kolehiyo ang naka resibe kan siring na mga load cards na saindang magagamit para magka igwa ning access sa internet sa saindang online class.
Marurumduman na inot na mang inilunsar kan SK Caragñag an saindang programang Edukhub na nag o-opresir ning libreng wifi, encoding, printing asin iba pa.
Bistado ang Sangguniang Kabataan – Brgy. Caragnag sa saindang mga adbokasiya asin programa lalo na kang kasagsagan nin pandemya kan nagtalikod na taon kung sain nagwaras ang saindang grupo nin ayuda sa mga kabarangay na labing naapektaran nin krisis huli sa pandemya.##
