SIKOP sa kapulisan sa rehiyon-12 ang 66 katao dungan sa operasyon batok wanted person.
Sa datus gikan sa Police Regional Office (PRO)12 sa 66 katao nga nasikop, duha niini ang most wanted person Regional level, lima ang sa provincial level, 13 ang municipal level samtang 46 ang wanted person.
Matud ni Police Brig. Jimili Macaraeg, regional director sa PRO-12 nga sagad sa nasikop ang dunay kasong kawat, estafa, iligal nga droga, homicide ug kasong pagpatay. Ang mga nasangpit dugang sa opisyal ang resulta sa gilusad nga 24 oras nga lima Simultaneous Anti-Criminality Law Enforcement Operations (SACLEO) batok sa mga indibidwal nga gipangeta sa balaud.
Miapela ang opisyal ngadto sa mga indibidwal nga nagtago-tago sa balaud nga mosurender na sa labing duol nga presinto. Ang lakang usab ang paagi sa pagbatuk sa kapulisan sa tanang porma sa kriminalidad. I Richel Gubalani