PABILING hugot ang kampanya sa kapulisan batok sa New People’s Army (NPA) bisag dili na aktibo ang ilang pwersa.
Sa ulahing pamahayag ni Police Brig. Gen. Jimili Macaraeg, regional director sa Police Regional Office (PRO) 12 gikan Disyembre 1, 2023 hangtud sa Pebrero 15, 2024 anaa sa 67 sakop sa NPA ang mitahan. Samtang anaa sa usa ang arestado, 26 ka mga pusil ang nakumpiska og 17 ang explosibo.
Bisag dili na aktibo ang kalihokan sa grupo padayon ang mga proyekto sa gobyerno aron nga maawhag ang mga nahibiling sakop sa NPA nga magsurender aron makauban nga malinawon ang ilang pamilya. I Richel Gubalani