LEGAZPI CITY – Duwang natatadang aldaw antes magtalikod an taon 2023, puminakol na sa 70 an nakumpiskar na improvised boga sa bilog na rehiyon kan Bicol.
Basado ini sa pinaluwas na impormasyon kan PNP Bicol kasuudma, kun sain an probinsya nin Sorsogon an may pinakadakol na nakumpiskar na nasa 20; suminunod an Camarines Sur na may 18; Catanduanes na may 15; nasa 4 an nakua sa Albay; 3 sa Naga City asin 2 sa Camarines Norte.
Durante kaini, mas pigpapakusog kan PNP Bicol an police visibility asin an pagpapautob kan manlain-laing lakdang para sa kaligtasan kan mga Bicolano sa pagsabat kan Bagong Taon.
Kun pagbabasehan kaya an datos kan DOH Bicol, improvised boga an may pinakadakol na record na nagigin kawsa kan injuries kan mga napuputukan.