70,914 na ang naturok nga bakuna batok COVID-19 sa GenSan

MOKABAT na sa 70,914 ang naturok nga bakuna batok COVID-19 sa GenSan as of August 2, 2021.

Sa maong ihap ang fully vaccinated mokabat na sa 27,962 samtang 42,592 ang first dose nga naglangkob sa A1 kon frontline/healthcare workers, A2 – senior citizens, A3-persons with comorbidities ug A4 o essential workers.

Sa A1, mokabat sa 27,962 ang fully vaccinated ug 42,592 ang first dose.

Sa A2, mokabat sa 11,496 ang fully vaccinated ug 11,091 ang first dose.

Sa A3, mokabat sa 6,634 ang fully vaccinated ug11,441 ang first dose.

Samtang sa A4 o essential workers, mokabat sa 9,382  ang fully vaccinated ug 9,977 ang first dose.

Samtang sa pribadong sektor, nakapalit sila og 2,879 ka doses sa Sinovac nga ilaha usab giturok sa ilang mga empleyado, 1,111 ka Astrazeneca doses ug 6,453-Sinovac vaccine nga gikan sa central office alang sa A4 o essential workers.

Padayun usab ang masterlisting alang sa mga  A4 priority group lakip na ang pagpabakuna sa inyong mga barangay RHUs.

Aron makaparehistro ug masayran kung apil sa A4 priority group, mahimong magpa-register sa TAPAT System. Gitambagan usab ang tanan nga walay walk in sa tanang bakuna centers.