Gikalipay sa Police Regional Office (PRO)-7 bag-o lang migawas nga nationwide survey sa OCTA Research nga kadaghanan sa mga Pilipino misalig gihapon sa Philippine National Police kun PNP.
Sa survey nasayran nga 80 porsyento sa mga Pinoy misalig sa pwersa sa kapulisan, diin 5% ang mipadayag nga kuwang sa pagsalig samtang 15% ang undecided sa pagsalig sa organisasyon.
Giingong kasagaran sa mga respondents nga gikan sa Visayas ug Mindanao ang mas misalig sa PNP nga niabot og 89 percent samtang ang naa sa National Capitol Region mao ang less trusting.
Subay niini, gibutyag ni Police Lt. Col. Gerard Ace Pelare tigpamaba ni Police Regional Office-7 Director Brigadier General Anthony Aberin nga sa maong survey makita nga walo sa napulo ka mga Pinoy ang padayon nga misalig sa hanay sa kapulisan.//