80% tourism related establishment sa Davao Region nakabalik na

GIBUTYAG sa Department of Tourism XI nga halos syento porsyento na nga mga toursim establishment sa Davao Region ang nakabalik na sa ilang operasyon human sila nanirado sa miaging tuig.

Sumala kang DOT-XI Regional Director Tanya Rabat-Tan, 80 porsyento gikan sa kinatibuk-ang ihap sa mga tourism related establishment ang nahatagan og accreditation.

Malaumon ang opisyal nga hinay-hinay makabangon ang maong sektor gikan sa pagkalugi sanlit ubay-ubay na usab ka tourist destination ang midawat og bisita bisan pa man sa gikatakdang pagpatuman sa Uniformed Border Restrictions.

Kahibaluang subay sa datus sa ahensya, dako ang gilugi sa turismo sa rehiyon niadtong 2020  human niubos sa 3-billion pesos gikan sa 54-billion kita niadtong 2020.

Kini tungod sa 73 porsyento pag-ubos sa domestic ug foreign arrivals gikan sa 5.2million niadtong 2019 ngadto sa 1.4million turista sa panahon nga niulbo ang pandemya.

Photo ©  Pinoy Freelancing Mom

Leave a Reply

Your email address will not be published. Required fields are marked *