Siyam ka mga posibleng B.1.1.28 variant (Gamma) sa SARS-CoV-2 nag gikan sa Davao Oriental ang natumbok sa Philippine Genome Center sa gihimong genome sequencing sa mokabat sa 991 samples nga gisumite sa tulo ka Covid testing facilities.
Ang P.1 variant o Brazilian variant giingong mas paspas makatakod sa ubang tawo gumikan sa tulo ka mutations niini.
Sumala kang Mati Incident Management Team commander Dr. Ben Hur Catbagan Jr., posibleng kini ang hinungdan sa nasinati nga surge sa mga kaso ilabi nang natala ang 70% nga pag-usbaw sa kaso karong Hunyo kumpara sa bulan sa Mayo luyo nga wala pa nahuman ang kasamtangang bulan.
Natumbok usab ang 12 clustering cases gikan sa mga health facilities, offices o work places, ug family gatherings nga gitawag og local transmissions apan sa zero case sa mga LSIs ug ROFs bisan sa mga turista.
Tungod sa paspas nga pagdaghan sa kaso, kapin usa ka gatos porsyento na ang occupancy sa Covid-19 beds sa Davao Oriental Provincial Medical Center hinungdan nga nadelatar na ang referral sa mga moderate ug severe Covid-19 patients padulong sa Davao Regional Medical Center (DRMC) sa Tagum City.
Usa sa gihimong alternatinabong lakang aron maatiman ang mga moderate Covid-19 nga dunay sintoimas mao ang paggamit sa Alternate Care Site sa Milagrosa ug ubang Temporary Treatment and Monitoring Facilities lakip na ang Davao Oriental State University (DORSU) Dormitory isip extension isolation facility as of June 20, 2021.BNFM-DAVAO
