“Ginbaton taka sa balay ko bilang tawo, nga-a ginhimo mo ni?”:
Novembeber 25 huwebes, bangud nga kilal-anay na kag masami man nga nagabisita ang suspitsado nga si Sherwin Trava, 32 anyos sa iya pakaisa sa Prk. Kitahanon Barangay Banago syudad sang Bacolod, rason nga nagkilala-anay kag nagkumpiyansa ang amay sang 9 anyos nga si alyas “bolane” nga patulugon ang suspitsado sa ila balay apisar nga kagamay sang ila puluy-an kag may mga kabataan siya nga babayi bangud naga-ayo ang suspitsado nga didto mapalipas sang gab-i.
Amay: ”Malibod ko uga meg”
Suspect: “Okay meg mapuli naman ko”:
Palangabuhian sang mag-asawa ang pagbulad kag paglibod sang uga para may ipakaon sa ila 4 ka mga kabataan, pangidaron 18, 15, 9 (victim), kag 4 anyos, duwa diri ang babayi.
Nobyembre 26 biyernes sang aga, nag-upod pangape ang suspitsado kag ang amay sang bata kag nagsiling ang amay nga malibod sang uga samtang ang iya naman asawa ang mangbulad kag nagsiling man ang suspitsado nga mapauli na.
Alas 9:00 sang aga amo man nga adlaw, nagbiya ang suspitsado sa puluy–an sang biktima samtang ang bata nga 9 anyos ang yara sa footwalk malapit sa mayor nga dalan sang Barangay Banago kag nagahampang.
Nanotaran sang mga residente ang suspitsado nga nagabalik-balik paguwa sulod sa eskenita kag sa ulihi sini nga balik, iya gintawag ang biktima kag ginhagad mabakal tinapay.
“Kilala mo na ang tawo Ne?”:
Ginpamangkot pa sang nakakita nga residente ang bata kun kilala sini ang iya updan kag ini nagsabat nga amigo ini sang iya amay.
Naligaran ang pila ka oras, ala 1:00 sang hapon nakapauli ang amay, ginapangita sini si Nene apang wala niya ini makita kag naghaum nga yara lang sa ila purok bangud wala man ini nagapalayo kag nagapauli gid kun gutumon.
“Nag brown-out sir, didto na naglain matyag ko nga may malain natabo sa akon bata”:
Alas 3:00 sang hapon, wala sa gihapon nakapauli ang bata kag naglab-ot ang sirom dungan nagbrownt-out, didto na ginkutoban ang amay nga maymalain nga natabo sa iya anak.
“Meg, maluoy ka, wala man ko sala sa imo, iuli lang ang bata ko”:
Nagpaninghuwa ang amay nga macontct ang suspitsado kag sang iya ini na istprya nagsiling lang si Trava nga “Ara nada siya nagpauli”, dungan patay sang cellphone kag sang liwat nga gindial, indi na macontact ang numero.
Nagpangabay pa ang amay sa suspitsado nga iuli na ang bata kay may nakakita sa iya nga siya ang nagdala sa kay Nene alas 9:00 sang aga kag may kutob na ang amay nga gintinuntohan gid ni Trava si Nene.
Alas 7:00 sang gab-i, nagpangayo na sang tabang ang amay sa ila mga kaingod para pangitaon ang bata kag ngpabalo na sa Barangay Hall.
“Nagpablotter sa Station 3”:
Nagpadulong sa Bacolod Police Station 3 ang pamilya agud magpabloter nga nadula si Nene kag ini ang ginkompirmar man sang hepe nga si Major Richard Fajarito kag sila ang nagbulig pangita sa bata kaupod ang WCPD sa palibot sang Brgy. Banago.
Nagpakalab-ot na sa Bacolod Public Plaza, downtown area, north bus terminal kag south bus terminal apang wala gid nila makita si Nene kag ginpamangkot man sang amay ang pakaisa sang suspitsado apang wala man ini nagapanugid sang intsakto kag kun diin nagaistar si Trava.
“Social Media Post”
Nobyembre 27, Sabado sang aga nagpost sa social media ang pamilya ni Nene nga ila ginapangita si Trava bangud ini ang ulihi nga nakita nga nagdala sa bata para magbakal sang tinapay.
Bangud nagtrending sa social media, may nakita sa post kag nakumpirmar nga taga Pulupandan ang suspitsado kag nakapangasawa sa syudad sang Bago kag nagaistar sa Sta. Catalina Subdivision.
“Nag-sungka sa Bago City PNP”:
Sang amo man nga aga, nakabaton ang pamilya ni Nene sang impromasyon nga nagsungka si Trava Bago Police Station kag nag-ako ini sa isa ka Pastor nga pinatay niya ang bata.
Nagahingyo ang pamilya sa suspitsado sang amo nga aga nga isugid kun diin niya ginbilin ang bata apang nahaponan na sang ini ang nakit-an sa bakante nga lote diri sa syudad sang Bacolod.
“Daw nalipay ko sir kay sang nakita si Bolane, gaginhawa, buhi pa”.
Alas 4:30 sang hapon nasapwan si Nene sa isa ka bakante nga lote sa City Heights Subd. Brgy. Taculing nga pilason ,dugu-on kag naga-agaw buhay.
Gilayon ini nga gindala sa ospital para sa nagaka-igo nga pagbulong kag ginpahayag ni Major Leo Estopa, hepe sang Police Staton 6 nga ang nasapwan nga bata, amo ang ginreport nga nadula sa station 3.
Ginpadulongan man sang kapulisan sang station 6 ang suspitsado sa Bago PNP agud ini ang arestuhon kag ginsiling sini nga nakita niya ang iya nobya nga nagsulod sa lodging house rason nga iya ginkaakig ang bata ang iya ginpaukpan.
Ginpanginwala man sini nga iya ginhimuslan si Nene apang aminado siya nga iya ginlamposan ang bata sang bato indi magnubo sang maka 4 ka beses.
“Ne, si Papa mo ni, kaya mona Ne,”
Nobyembre 29 lunes, alas 2:30 sang kaagahon kag matapos sang halos duwa ka adlaw nga pakigbato para mabuhi, napatay si Nene samtang ginabulong sa ospital bangud sang mga pilas sa ulo nga naangkon.
“6, O’clock vaginal laceration”:
Ginkompirmar ni Major Leo Estopa nga ginhimuslan ni Trava si Nene, sandig sa initial nga medico legal examination result sa bangkay sang bata kag nakita ang pilas sa iya kinatawo tuga sang pagpasulod sang “foreign object”.
(REPUBLICACT NO. 8353 Article 266-A. Rape; When And How Committed. – Rape Is Committed)
Section 2;
“By any person who, under any of the circumstances mentioned in paragraph 1 hereof, shall commit an act of sexual assault by inserting his penis into another person’s mouth or anal orifice, or any instrument or object, into the genital or anal orifice of another person”.
Natigayon man nga nakuhaan sang “extra judicial confession” si Trava sini man nga Lunes sa presensiya sang abogado kag gin-ako sini ang nahimo nga krimen sa bata.
Natalana sa karon nga ipasaka sang station 6 ang kaso nga rape kag murder kag nakadepende na sa piskalya sa pag apresyar sa kaso base sa iga-presentar nga ebidensiya.
“Wala taka ya Ne ginpabay-an Ne”:
Ini ang mga tinaga nga ginbuy-an sang amay para sa iya bata, iya man ginsiling nga wala pa ini sang kina-an sa pagpangita sa kay Nene kag ginpromisa nga himuon ang tanan para mahatagan sang hustisya ang iya kamatayon.
Mensahe man sang amay sa nagpatay kag naghimulos sa iya bata nga ini ang madunot gid sa prisohan kag nagapangabay sa kapulisan sang madasig nga pagpasaka sang kaso agud indi na ini makaguwa kay basi makapanghalit pa sa iban nga pamilya.
Base on the accounts of PNP and victim’s family;
#justiceforBolane