95% ng mga sakahan sa Sorsogon, irrigated na – NIA Sorsogon

Kinumpirma ng National Irrigation Administration (NIA) Sorsogon na halos lahat ng mga sakahan sa lalawigan ay maayos na nabibigyan ng serbisyo ng kanilang mga irigasyon.

Sa panayam ng Brigada News kay NIA Sorsogon Acting Engineering and Operation Sector Head Engr. Jerwin Rois Nopre, sinabi nito na nasa 95% na ng mga sakahan sa buong lalawigan ay irrigated na o mayroon nang mga patubig mula sa mga irigasyon.

Ito din anya ang dahilan kung bakit patuloy ang ginagawa nilang monitoring sa mga dam sa iba’t ibang bahagi ng probinsya upang matiyak na nakakapagbigay ito ng sapat na supply ng tubig sa bawat ricefield lalo na sa panahon ng tag- init.

Kinumpirma din nito na ngayong 2023 ay mayroon silang nakalinyang pitong proyekto kabilang na rito ang repair ng irrigation system sa  bayan ng Bulan.