LEGAZPI CITY – Nakatalaan na isagibo ngunyan na aldaw sa siyudad kan Legazpi an ika-96 na National Assembly kan League of Vice Governors sa bilog na nasyon.
An na aktibidad, madurar nin limang aldaw na mapoon, Pebrero 28 sagkod sa Marso 4, sa sarong hotel digdi sa syudad.
Magigirumduman, enot nang inanunsyar ni Albay Vice Governor Glenda Bongao sa Brigada News FM Legazpi na napili an probinsya na mag-host kan national assembly kan mga bise-gobernador kan kada probinsya sa bilog na nasyon.
Piglalaoman man na maabot sa 150 katawo an mapartisipar, kun sain 87 digdi iyo an mga bise-gobernador.
Mientrastanto, aatendir man sa assembly an mga dating bise-gobernador kan Albay.
Apwera man sa itinerary para limang aldaw na assembly, pighayag man ni Bongao na nagpreparar an saiyang opisina nin mga souvenir, asin preparado man subuot an mga personahes kan PNP Bicol sa pagsiyerto kan kaligtasan kan mga bisita.