NALUWAS sa mga residente sa Purok Gumamela, Kiamba, Sarangani Province ang 97 ka itlog sa pawikan nga nakit-an daplin sa baybay sa nasangpit nga lugar.
Gilayon nga gi-cordoned sa sakop sa Kiamba PNP Maritime ang mga itlog aron dili mahilabtan sa mga tawo. Ang pagprotekta sa mga itlog ang nagsilbing eksample kung unsa ang awareness sa komunidad aron magpabiling maayo ug dili maguba ang marine ecosystem.
Makonsidera nga endangered species ang pawikan busa kinahanglan kining maampingan, ang nahitabong pagluwas sa mga itlog sa pawikan nagpakita nga nakasabot ang komunidad sa importansya niini, butang nga gipasalamatan sa Community environment and natural resources office (CENRO) sa Kiamba. I Enamie Mogpon
Photo by Maritime Pulis Gensan Marprsta