BICOL—Katakod kan nagpapadagos na laban kan probinsya nin Catanduanes kontra COVID-19, nakatalaang mag deploy ang 9th ID Philippine Army, Philippine National Police asin iba pang pwersas armadas sa rehiyon Bicol nin mga dugang na medical personnel sa Bicol Regional Training and Teaching Hospital sa Catanduanes.
Kaning nakaaging semana kan ikundusir ang MOA signing asin send off ceremony, na pinaginutan kan Bicol IATF asin ni DILG Bicol Regional Director Anthony Nuyda na nagpahayag kan saiyang pasasalamat asin pagsaludo sa mga medical personnel gikan sa linya nin pwersas armadas na makakatuwang ngunyan kan mga health workers sa probinsya sa saindang laban kontra pandemya.
Apwera kaini, iningganyar man ni Nuyda ang gabos na makisumaro sa paglaban kan rehiyon asin gibuhon kan lambang saro an saindang papel dapit sa mga ipigpapasunod asin tig i-implementar na mga COVID-19 health protocols.
Presente man sa nasambitang aktibidad si DOH Bicol asin Bicol IATF Co-Chaiperson Ernie Vera, BFP R5 RD Ricardo C Perdigon, PCol Jesus Rebua asin iba pang personahe.###