Giturn-over na sa Local Government Unit sa Impasug-ong, Bukidnon uban sa hugot nga koordinasyon sa militar ang abo ni Jorge Ka Oris Madlos ngadto sa iyang pamilya.
Ang pag-turn over gipahigayon sa Municipal Hall sa Impasug-ong Bukidnon.
Pormal nga gitunol ni Impasug-ong Mayor Anthony Uy ang abo ni Ka Oris sa igsuon niini nga si Rito Madlos pinagi sa usa ka seremonya nga gisaksihan sa mga kawani sa kagamhanang lokal ug mga personahe sa 8th Infantry Battalion Philippine Army ug Impasug-ong Bukidnon.
Gikan pa sa Surigao City si Rito Madlos ug mibiyahe sa Impasugong alang sa pagkuha sa abo diin siya lamang ang gitugutan sa pagkuha niini.
Sa wala pa gipahigayon ang pag-turn-over, ang LGU Impasug-ong mihalad pa sa usa ka santos nga misa ug mihatag sab sila sa cash aid.
Mipadayag sab si Mayor Uy sa iyang pakigsimpatiya sa pamilyang Madlos. Kahibaloan nga ang kagamhanang lokal kauban ang militar ug kapolisan naningkamot aron mahatagan sa desinti ug plastar nga kapahuluyan ang patay’ng lawas ni Madlos.
Kahibaloan nga una nang naturn-over ang abo ni Eighfel Dela Peña ngadto sa iyang pamilya.
Dumdoman nga si Jorge Madlos ug Eighfel Dela Peña napatay sa lehitimong operasyon sa militar sa nahisgutan nga lungsod.
Subay niini namahayag si 4th Infantry Division Philippine Army Commander Major General Romeo Brawner Jr sa iyang pagpasalamat sa LGU sa Impasug-ong sa gihatag nga tabang sa duha ka opisyal sa New People’s Army nga nakabsan sa kinabuhe atol sa gihimo nga operasyon.-END-