SUBLING nisaka ang presyo sa abuno sa merkado sa Gensan sugod miaging semana sobra pa sa usbaw sa presyo sa lana.
Basi sa presyo nga gikan sa usa ka fertilizer suppy establishment nga nahimutang sa dalang Cagampang ang abuno nga Urea gikan sa P2,600 pesos ang usa ka sako sa karon nahimo na nga P3,100 pesos matag sako.
Ang Ammonium Sulfate gikan sa P1,280 nahimo karon nga P1,300 pesos, ang Potash gikan sa P1,850 nahimo nga P2,500 pesos, ang perfect Grow triple 14 gikan sa P1,700 nisaka sa p1,900 matag sako samtang ang 18-46-0 Diamonium Phospate nagpabilin kini sa P2,900 ang matag sako.
Sumala sa kahera nga nagpailang si Inday hina gihapon ang supply sa abuno gikan sa dagkung nasud mao nga nisaka pa og samot ang presyo sa abuno.
Ang resulta daw gumikan sa kamahal pipila lang ang makapalit og sinako samtang ang uban kinilo, kon usa ka kilo nga urea anaa sa 100 pesos ang ilang presyo samtang ang uban nisulay sa organic nga abuno.
Samtang sa bahin sa City Food Terminal Multipurpose Cooperative sumala sa ilang presidente nga si Abigail Gavilo naga-angal usab ang ilang mga sakop nga adunay mga uma sa kamahal sa abuno.
Samtang ang produkto gikan sa uma nga nisaka ang presyu mao ang kalabasa dili daw tungod nisamot kamahal ang abuno apan gumikan adunay demand gikan sa Luzon area ug adunay shipment.
Gikan sa pagkabarato nisaka gikan sa tag singko ang kilo ngadto na sa kinse pesos ang matag kilo sa retail price. I Ver Diazon