Acting City Administrator Pestaño andam muatubang sa konseho sa iyang reappointment

GIKUMPIRMA ni Acting City Administrator Shandee Llido Pestaño nga gi-reappoint siya ni Mayor Lorelie Pacquiao sa maong posisyon miaging semana ug naghulat og confirmation gikan sa Sangguniang Panlungsod.

Alayun niini, giangkon ni Pestaño nga andam siya moatubang sa konseho ugaling ipatawag aron tukion ang iyang reappointment.

Gibutyag usab niini nga na-attach na ang iyang transcript of records nga gipangayo alang sa iyang concurrence ug confirmation sa posisyon.

Samtang giangkon niini nga may gamayng ‘kusi sa iyang kasing kasing’ ang pag deny sa iyang appointment tungod sa transcript of records nga wala makaabot sa takdang panahon.

Apan nasabtan usab ang konseho tungod may balaod nga ginatuman sa pagbutang sa posisyon.

Apan bisan niini, kinahanglan na matud pa nga mag-move on gikan niini ug nagtuo nga mahimong positibo na unya ang madawat nga tubag gikan sa konseho.