Brigada gipasalamatan sa bag-ong advocacy nga Mother and Child Care

GIPASALAMATAN ni Dr. Hiyasmin Clarissa Babar usa ka Obstetrics -Gynecology ang Brigada sa pagmugna sa Mother and Child Care Campaign.

Matud ni Babar nga dakong tabang alang kanila, sa mga pasyente labi na sa mga buntis ug sa ilang gisabak.

Giklaro usab niini nga mahinungdanon nga maampingan ang pagbuntis sa inahan sulod sa unang tulo ka bulan.

Kung may sakit nang daan sama sa thyroid problems, diabetes, infection, uncontrolled ang blood pressure, kinahanglan nga kini ang matambalan ug makontrola aron dili maapektuhan ang gisabak.

Gibawal usab ang basta na lamang nga pagtumar og tambal nga walay pagpatan-aw sa doctor ug bawal ang mag self medicate.

Gawas sa tambal nga mainampingon dapat ang pagtumar, ginapaamping usab ang mga mabdos sa ilang stress level nga dapat mawagtang o makunhuran tungod makaapekto usab sa baby sa sabakan.

Kinahanglan ang buntis nga mukaon og nutritious food, may maayong tulog, ug walay stress aron mahimong himsog usab ang bata ug kinahanglan magtumar og multivitamins ug likayan ang paggamit og mga gina-beauty products nga gina-intake, lakip alcohol ug sofdrinks.

Ginabawal usab sa mga buntis ang sobrang kabug-at nga trabaho o ehersisyo samtang ang sex wala gibawal hangtud 9 months basta dili maka-case og discomfort sa buntis.