Nagbabala ang Armed Forces of the Philippines na maaring lumabag sa batas ang mga politiko na magbabayad ng permit-to-campaign sa New People’s Army habang papalapit na ang 2022 elections.
Babala ni AFP Spokesperson Edgard Arevalo, ituturing nila na pagsuporta sa teroristang organisasyon ang pagbabayad ng permit-to-campaign o to-win sa NPA.
![](https://i0.wp.com/brigadanews.ph/wp-content/uploads/2021/06/12-6-1024x1024.jpg?resize=1024%2C1024&ssl=1)
Iginiit ni Arevalo na makikipag-ugnayan ang militar sa mga local government units at pati na rin sa Philippine National Police para i-monitor ang sitwasyon.
Ipinunto ni Arevalo na meron na silang mga lugar na natukoy na kung saan ay meron mangilang-ngilang grupo ang kumikilos para sa nasabing hangarin.
Mababatid na nakatakdang maganap ang 2022 elections sa May 9.