WALA gipadaplin sa mga otoridad ang posibleng ‘spill over’ human sa nahitabong pagpangatake sa 100 ka miyembro sa Bangsamoro Islamic Freedom Fighters (BIFF) sa Datu Paglas, Maguindanao. Kini ang rason sa pagmandu niini nga hugtan ang pagbantay sa mga lugar nga sakop sa Police Regional Office (PRO)12, butyag ni Brig. Gen. Michael John Dubria.
Pinaagi sa pagbutang og dugang sakop sa mga checkpoints ug pagpahugot sa intelligence monitoring. Gimanduan usab niini ang mga Provincial ug City director sa matag police office sa rehiyon nga hugtan pa ang seguridad sa ilang lugar nga ginsakopan.
Kahibaloan, Sabado sa buntag gi-okopa sa BIFF ang palengke sa lugar apan walay gikataho nga casualties sa hitabo. Gisiguro usab ni Col. Galileo Goyena, commander sa Joint Task Force GenSan nga hugot ilang pagbantay sa seguridad sa dakbayan. ( Richel Gubalani)