KORONADAL CITY – INILUNSAD sa bayan ng Surallah ang pinakaunang agriculture learning site. Ang Makarios Farm and Food Processing sa Barangay Lambontong ay idineklara ng Agricultural Training Institute – Regional Training Center 12 o ATI bilang Coconut-Based Learning Site for Agriculture.
Ang naturang pasilidad ay pagmamay-ari nina Mr.and Mrs Dennis Rubiato, na nagsimula sa pagproduce ng Virgin Coconut Oil noong COVID 19 pandemic.
Ang negosyo ng mga ito ay mas lumawak pa at nakapagproduce ang coconut-oil based products katulad ng sabon, liniment oil, at insect repellant. Gumagawa din ang Macarios Farm ng Coco Flour, Dessicated Coconut, Coco-Coffee, Moringa Capsules, Turmeric at suka.
