May kabilugan eon nga 2,891 nga confirmed cases it covid-19 ro probinsya it Aklan matapos nga makalista it 68 ka panibag ong kaso kahapon.
Naglista man kahapon it 29 ka mga nakarekober halin sa nasambit nga masakit nga naghatud sa kabilugan nga 2,257 total recoveries.
Sa makarun hay may kapin eon sa 566 ro aktibong kaso kung siin, 497 ro naka facility quarantine, 19 ro naka home quarantine ag 50 ro naka admit sa ospital.
Sambilog man ro nailista nga namatay sa covid-19 rasun nga nag abot eon sa 68 ro covid deaths sa Aklan. / ANN DESLENE SALAZAR