KALIBO,AKLAN—Tatlong nga swimmers it Aklan Swimming Team maga intra sa nahaeapit nga Western Visayas Athletic Association Meet (WVRAA) Meet 2024 sa Negros Occidental sa Abril.
Sa fb post it Aklan Swimming Team, maging kaibahan eon sanday regional swimmer Nuche Veronica V. Ibit it Unit V matapos magdaog it 7 gold medals sa secondary girls partikular sa butterfly ag freestyle.
Kaibahan si Janelle Adellaine B. De Leon halin sa UNIT III sa elementary girls nga may 4 nga gold, 1 silver ag 2 bronze medals.
Maga intra man sa WVRAA Meet si Jerrick Gabriel S. Delos Reyes nga naka boe it 6 gold ag 1 silver medals.
Tanan sanda hay gin kilala nga Most Bemedalled Swimmer sa katatapos eamang nga Aklan Provincial Athletic Association Meet 2024 sa Aklan Sports Complex sa Calangcang, Makato,Aklan.//MARIVIC Y. ILIN