Nagpabakuna it COVID-19 vaccine sanday Aklan Vice Governor Boy Quimpo, SP Member Nemicio Neron, mga senior citizen ag pilang ka mga empleyado it kapitolyo ag mga senior citizen.
Base sa fb post it Provincial Health Office (PHO)-Aklan, sanda ra hay 1st priority sa Group A2 o mga senior citizen.
Gin himo ru vaccination kaina eamang nga agahon sa ABL Sports Complex.
Padayon gihaaon ru pag padumdom it PHO-Aklan sa mga pumueoyo nga mag pabakuna agud kontrahon ru pag-inabo it deadly virus transmission.
Kun matandaan, naging madinaeag-on ru roll-out vaccination kahapon sa 11 ka mga municipalidad sa Aklan particular sa Numancia, Makato, Malay, Malinao, Lezo, Madalag, Bnaga, Libacao, Batan ag Altavas kahapon.
Samtang, nag pabakuna man si datong Aklan Congresswoman Belly Calizo-Quimpo.//MARIVIC Y. ILIN