Maka sueumpa segun ro naeksperiensyahan it dating OFW nga taga Brgy. Cajilo, Makato, Aklan kat nagtrabaho raya bilang domestic helper sa Doha Quatar.
Personal nga nagdangop sa BRIGADA NEWS FM KALIBO si Mrs. Alma Tabiolo 41yo para magpangayo it bulig kung paano kara maeagas ro anang agency para mataw-an imaw it assistance bangud sa natabo kana sa Quatar.
Sa limang buean ag tunga nana sa Quatar, hay naka limang employer man imaw ag bukon segun it manami ro anang na-eksperiensyahan sa mga raya bangud owa imaw ginapakaun ag owa man imaw ginapa doctor kung naga masakit.
Sa pang lima segun nana nga amo ro indi nana malipatan nga eksperiensyahan bangud ginasakit imaw ku mga raya, owa gintaw-an it sweldu ag ginpa-eayas pa.
Nagtinikang segun imaw sa kalye ag maswerte hay ginbuligan imaw it taxi driver ag dinaea imaw sa police station, pero indi man imaw maka file it kaso kontra sa anang employer bangud bukon nana it kilaea ro mga raya. // ANN DESLENE SALAZAR