Albay Gov. Lagman, hiniling na magsumite ng ulat ang ALECO sa oras na matapos ang isang linggong right of way clearing operation

Hiniling ni Albay Gov. Atty. Edcel Grex Lagman na agad na magsumite ng ulat ang kaparehong kooperatiba sa oras na matapos na nito ang isang linggong right-of-way clearing operation sa lalawigan.

Ayon sa gobernador, nararapat lamang na maipaabot sa publiko ang resulta ng isinagawang operasyon lalo na’t posibleng makaranas ang mga member-consumers ng power service interruptions sa mga susunod na araw.

Kompiyansa ang ALECO na sa oras na matapos ang naturang clearing operation, malaki ang magiging epekto nito sa pagpapababa ng system loss habang possible na ring maiwasan ang mga biglaang brownout sa Albay.

Umaasa ang opisyal na sa isusumiteng operation report ay mayroon nang pagbabago at mawawala na rin ang mga problemang kinakaharap ng ALECO at upang maging maayos na rin serbisyo sa kuryente sa lalawigan.