LEGAZPI CITY – Kasabay an probinsya kan Albay sa mga nakakua nin Seal of Good Financial Housekeeping award kan Department of Interior and Local Government (DILG) Bicol sa bilog na rehiyon.
Kaibahan kaini an mga probinsya kan Camarines Norte asin Catanduanes na nakakua man nin siring na award.
Huli kaini, nagpahayag nin pasasalamat an Albay Provincial Planning and Development Office, kun sain, bunga su buot ini kan collective effort kan mga departamento kan gobyerno-probinsyal.
Mientrastanto, pag-abot naman sa kategorya kan mga syudad, nakakua man kan siring na award an lokal na gobyerno kan Legazpi City, Ligao City asin Tabaco City.
Mantang, sa mga munisipyo naman, kairibahan an Daraga, Guinobatan, Malilipot, Oas, Pio Duran, Polangui, Rapu-rapu asin Tiwi.