LEGAZPI CITY – Kinumpirmar kan Department of Health (DOH) Bicol na liwat na nakasabay an Albay sa Chikiting Ligtas Top Performing Province for MR-OPV Supplemental Immunization Activity Campaign 2023.
Segun sa National Immunization Program (NIP) kan ahensya, nangengenot liwat an naumbitan na probinsya sa pagpautob kan nasambit na programa.
Ini an resulta sa isinagibong comprehensive 3-day Program Implementation Review kan nakalihis na Domingo sa Nabua, Camarines Sur.
Pinagbasehan digdi an pagtudok poon kan bulan nin Enero sundo kan Oktubre.
Iaanunsyar kan ahensya ngunyan na Disyembre an pinal asin opisyal na listahan sa Salud Bikolnon Awards.